പുഷ്പയിലെ 'മൊട്ട വില്ലന്‍'; സോഷ്യല്‍ മീഡിയയില്‍ ട്രെന്‍റിങ്ങായി ഫഹദ് ഫാസിലിന്‍റെ ക്യാരക്ടര്‍ പോസ്റ്റര്‍

അല്ലു അര്‍ജുന്‍ നായകനായെത്തുന്ന പുഷ്പയിലെ പ്രതിനായക വേഷം കൈകാര്യം ചെയ്യുന്ന ഫഹദ് ഫാസിലിന്‍റെ ക്യാരക്ടര്‍ പോസ്റ്റര്‍ പുറത്തുവിട്ട് അണിയറ പ്രവര്‍ത്തകര്‍. ബന്‍വര്‍ സിങ് ഷെകാവത് എന്നാണ് ഫഹദ് ഫാസില്‍ അവതരിപ്പിക്കുന്ന കഥാപാത്രത്തിന്‍റെ പേര്. ഒരു ഐ.പി.എസ് ഉദ്യോഗസ്ഥന്‍റെ റോളിലാണ് ഫഹദ് സിനിമയിലെത്തുന്നത്. അല്ലു അര്‍ജുന്‍റെ എക്കാലത്തെയും മികച്ച വിജയങ്ങളിലൊന്നായ ആര്യയുടെ സംവിധായകന്‍ സുകുമാറാണ് പുഷ്പ ഒരുക്കുന്നത്. മാസ് എന്‍റര്‍ടെയിനറായി പ്രേക്ഷകര്‍ക്ക് മുന്നിലെത്തുന്ന ചിത്രത്തിന്‍റെ അല്ലു അര്‍ജുന്‍റെ ലുക്കും വ്യത്യസ്തമായിരുന്നു. ചിത്രത്തിലെ ഓട് ഓട് ആടെ എന്ന ഗാനം വലിയ ഹിറ്റായിരുന്നു. രാഹുല്‍ നമ്പ്യാറാണ് ഗാനത്തിന്‍റെ മലയാളം പതിപ്പ് പാടിയിരിക്കുന്നത്. ദേവിശ്രീ പ്രസാദാണ് സംഗീതം.

REAL MEDIA ഗ്രൂപ്പിൽ അംഗമാകാൻ👇 https://chat.whatsapp.com/FCH4vmZe1COC5KeG8qpUTW https://www.youtube.com/realmediachannel ഒരു ദേശത്തിന്‍റെ ശബ്ദം കൂടുതല്‍ വാർത്തകൾക്കും വിശേഷങ്ങൾക്കും “f” പേജ് ലൈക്ക് ചെയ്യുക.👇 https://bit.ly/30cvXfk