ലഹരിക്കെതിരെ എല്ലാവരും ഒന്നിക്കുക ഇ.എം. മുഹമ്മദ് അമീൻ, ഒരുമ മാറഞ്ചേരി ഈദ് ഗാഹ് സംഘടിപ്പിച്ചു

ലഹരിക്കെതിരെ എല്ലാവരും ഒന്നിക്കുക ഇ.എം. മുഹമ്മദ് അമീൻ, ഒരുമ മാറഞ്ചേരി ഈദ് ഗാഹ് സംഘടിപ്പിച്ചു

.

മാറഞ്ചേരി: സമൂഹത്തിൽ വർദ്ധിച്ച് വരുന്ന ലഹരിക്കെതിരെ ഒറ്റക്കെട്ടായ നീക്കം നടത്താൻ നാം തയ്യാറാകണമെന്ന് ആയത്തു ദർസെ ഡയറക്റ്റർ ഇ.എം. മുഹമ്മദ് അമീൻ പറഞ്ഞു. ലഹരി വിതരണം ചെയ്യുന്നവരെ ഒറ്റപ്പെടുത്താൻ നാം തയ്യാറാകണം. നിലവിലെ വഖഫ് ഭേദഗതി ബില്ലിനെതിരെ മതേതര കക്ഷികളുടെ സഹായത്താൽ പ്രക്ഷോഭത്തിന് തയ്യാറാകണമെന്ന് അദ്ദേഹം അഭ്യാർത്ഥിച്ചു. ഗസ്സയിലെ നിരപരാധികളായ കുഞ്ഞുങ്ങളെയും സ്ത്രീകളെയും കൊന്നൊടുക്കുന്ന ഇസ്റായേൽ ക്രൂരതക്കെതിരെ ശക്തമായി പ്രതിഷേധിക്കണമെന്നും അവർക്ക് വേണ്ടി പ്രാർത്ഥിക്കണമെന്നും അദ്ദേഹം ആഹ്വാനം ചെയ്തു.

ഒരുമ മാറഞ്ചേരി പാലസ് ഓഡിറ്റോറിയം അങ്കണത്തിൽ നടന്ന സംയുക്ത ഈദ് ഗാഹിൽ ഖുത്തബ നിർവ്വഹിച്ച് സംസാരിക്കുകയായിരുന്നു അദ്ദേഹം.

വർധിച്ച് വരുന്ന ലഹരിക്കെതിരെ ബോധവത്കരണത്തിൻ്റെ ഭാഗമായും വഖഫ് ബില്ലിനെതിരെയും ഗസ്സയിലെ പൊരുതുന്ന ഫലസ്തീനികൾക്ക് ഐക്യദാർഢ്യം പ്രകടിപ്പിച്ചും ഈദ് ഗാഹിൽ പ്രത്യേക പ്രതിജ്ഞ എടുക്കുകയും ചെയ്തു. പ്രതിജ്ഞക്ക് ഇ.എം മുഹമ്മദ് അമീൻ നേതൃത്വം നൽകി. സ്ത്രീകളടക്കം നൂറുകണക്കിന് പേർ ഈദ് ഗാഹിൽ അണിചേർന്നു.

ഒരുമ ചെയർമാൻ കെ.ഐ. മുഹമ്മദ് അബ്ദുറഹ്മാൻ, ജനറൽ കൺവീനർ എ. സൈനുദീൻ, ഇ.എം. മുഹമ്മദ്, എ. അബ്ദുൾ ലത്തീഫ്, എം. ഇ. നസീർ ,വി.കെ. ഫൈസൽ, ഉണ്ണിമാരാ മുറ്റം, എൻ.കെ. ഇസ്ഹാഖ്, ഏ.ടി. അലി, അശ്റഫ് പന്തലൂര്, എൻ.കെ. റഹീം എന്നിവർ നേതൃത്വം നൽകി.

🇷‌🇪‌🇦‌🇱‌ 🇲‌🇪‌🇩‌🇮‌🇦‌

*ഒരു ദേശത്തിൻ്റെ ശബ്ദം*

കൂടുതല്‍ വാർത്തകൾക്കും വിശേഷങ്ങൾക്കും

*ഗ്രൂപ്പിൽ അംഗമാകാൻ👇*

https://chat.whatsapp.com/FlFXxG7VmlUIyphgPW0zaw

*YouTube:* https://www.youtube.com/realmediachannel

*Facebook*: https://www.facebook.com/realmediachannel/

*Website:* www.realmediachannel.com